BMW iNEXT elektr krossoverining suratlari paydo bo‘ldi (foto)

Internet tarmog‘ida BMW iNEXT konseptual elektr krossoverining tashqi ko‘rinishi aks etgan suratlar paydo bo‘ldi, deb yozmoqda “Motor”. Mashina kelajak transportini namoyish qilishga mo‘ljallangan.

Ishlab chiqarilishi 2021-yilga mo‘ljallangan iNEXT talqini beshinchi avlod BMW’ning iX3 dan keyingi elektrlashtirilgan avtomobili bo‘ladi. BMW direktorlar kengashi raisi Xarald Kryugerning so‘zlariga ko‘ra, modelda kelajakning barcha asosiy texnologiyalari birlashadi: elektr dvigatel, doimiy internet aloqasi va mustaqil boshqaruv imkoniyati.