Internetda yangi Volvo krossoverining suratlari paydo bo‘ldi

Carscoops nashri yangi Volvo krossoverining fotosuratlarini e’lon qildi. Rasmiy prezentatsiya 21-sentabr kuni bo‘lib o‘tadi, deb xabar beradi “Korrespondent.net”.

Fotosuratlarda ixcham XC40 ning interyeri va eksteryerini ko‘rish mumkin.

Aytilishicha, suratlar Shvetsiya kompaniyasining Vengriyadagi bo‘linmasi tomonidan e’lon qilingan, so‘ng o‘chirib tashlangan.

Yangi mashinaning texnik tavsifi hozircha oshkor etilmayapti. Ammo mashina kompaniyaning yangi ixcham CMA modul arxitekturasi negizida qurilgan birinchi modeli bo‘lishi ma’lum.

Shuningdek, avtomobil 3 silindrli 1,5 litrli dvigatel bilan ta’minlanishi, uning quvvati 180 ot kuchiga teng bo‘lishi kutilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!