Iroqda avtobus portlashi oqibatida 2 kishi halok bo‘ldi

Iroqning Kirkuk viloyatida avtobus portlashi oqibatida ikki kishi halok bo‘ldi, 15 kishi jarohat oldi. Bu haqda Iroq Sog‘liqni saqlash vazirligi vakili Seyf al-Badrning bayonotida ma’lum qilindi, deb yozadi “RIA Novosti”.

“Avtobus Kirkuk viloyatining Er-Rashad tumanidan o‘tayotganda portlovchi qurilmaning ishga tushishi oqibatida ikki kishi halok bo‘ldi, 15 kishi jarohat oldi”, — deydi al-Badr.

Uning so‘zlariga qaraganda, to‘qqiz nafar yaralangan shifoxonaga yuborilgan.