YChLda haftaning eng yaxshi o‘yinchisi bo‘lishga nomzodlar e‘lon qilindi

UEFA Yevropa Chempionlar Ligasida haftaning eng yaxshi o‘yinchisi bo‘lishga da‘vogarlar nomini e‘lon qildi. Bu haqda tashkilot rasmiy saytida xabar berildi.

Unga ko‘ra, Chempionlar Ligasida haftaning eng yaxshi o‘yinchisi nomiga “Barselona” hujumchisi Lionel Messi, “Liverpul” yarim himoyachisi Jeyms Milner, “Lion” hujumkor yarim himoyachisi Nabil Fekir hamda “Manchester Yunayted” yarim himoyachisi Pol Pogba da’vogarlik qilmoqda.

Ma‘lumot uchun, Lionel Messi “Barselona” — PSV uchrashuvida (4:0) xet-trik qayd etishga erishdi. Jeyms Milner esa “Liverpul” — PSJ bahsida (3:2) penaltidan gol urdi. Nabil Fekir “Manchester Siti” — “Lion” o‘yinida (1:2) bitta gol va golli uzatmaga mualliflik qildi. Fransiyalik Pol Pogba “Yang Boyz” — “Manchester Yunayted” (0:3) qarama-qarshiligida 2 ta gol urib, dubl qayd etdi.