Pompeo: uzoq muddatli istiqbolda Xitoy Amerika uchun Rossiyadan ko‘ra jiddiyroq xavf tug‘diradi

Xitoy Xalq Respublikasi vaqt o‘tishi bilan, AQSh milliy xavfsizligi uchun bugungi Rossiyadan ko‘ra ancha xavfliroq tahdidga aylanadi. Bunday fikrni AQSh Davlat kotibi Mayk Pompeo aytib o‘tdi, deb yozadi “Vesti.ru”.

FoxNews telekanaliga bergan intervyusida jurnalistlarning savollariga javob berar ekan, Pompeo AQSh bugungi kunda Amerikadagi saylovlarga aralashib, o‘zini tajovuzkor tutayotgan Rossiyani jilovlab turishi va unga qarshilik ko‘rsatishi kerakligini ta’kidladi.

Pompeoning qo‘shimcha qilishicha, uzoq muddatli istiqbolda Xitoy Amerika hayot tarzi va iqtisodiy o‘sishi uchun bundan-da jiddiyroq xavf tug‘diradi.