O‘zbekistonga qo‘shni davlatlardan tovar olib kirishni yanada cheklash taklif etilmoqda

Normativ-huquqiy hujjatlar loyihalari muhokamasi portalida joylashtirilgan hukumat qarori loyihasida O‘zbekistonga qo‘shni davlatlardan tovar olib kirishni yanada cheklash taklif etilmoqda. Bu haqda Sputnik xabar berdi.

“Jismoniy shaxslar tomonidan bojxona chegarasi orqali tovarlar olib o‘tilishini yanada tartibga solish chora-tadbirlari to‘g‘risida”gi qarorga muvofiq, shuningdek, jismoniy shaxslar tomonidan avtomobilm (piyoda), temiryo‘l va daryo o‘tkazish punktlarida tovarlarning olib o‘tilishini tartibga solish maqsadida, jismoniy shaxslarga bir turdagi maishiy texnika vositalarini har 6 oyda 1 donadan ortiq olib kirishni taqiqlash taklif etilgan.

Har kuni 2 kilodan olib kirilishi mumkin bo‘lgan, asosan oziq-ovqat tovarlarini, endi har oyda (har bir turi bo‘yicha) 2 kilogrammdan oshirmagan holda 10 kilogacha olib kirishga ruxsat berilishi belgilangan.