Rossiya va Turkiya Idlibda qurolsizlantirilgan zona chegaralarini belgiladi

Turkiya va rossiyalik harbiylar 19—21-sentabr kunlari Anqaradagi uchrashuvda Suriyaning Idlib viloyatidagi qurolsizlantirilgan zona chegaralarini belgilab oldi. Bu haqda 21-sentabr Turkiya Mudofaa vazirligi xabar qildi, deb yozadi “RIA Novosti”.

“Turkiya Mudofaa vazirligida 19—21-sentabr kunlari Sochi kelishuvini amalga oshirishga daxldor asosiy masalalar bo‘yicha Rossiya delegatsiyasi bilan uchrashuv bo‘lib o‘tdi. Yig‘ilishda Suriyaning Idlib viloyatida geografik tuzilish va aholi punktlarining joylashuvi hisobga olinib, qurolsizlantirilgan zona chegaralari belgilandi. Kelishuvni amalga oshirish rejalashtirilgan rejimda davom etmoqda”, — deyiladi boshqarma bayonotida.