AQSh birinchi marta F-35 qiruvchisidan urushda foydalandi

AQSh birinchi marta urushda F-35 qiruvchisidan foydalandi, deb yozadi “Exo Moskvi”.

U Arabiston dengizida USS Essex desant kemasi bortidan uchib chiqib, Afg‘oniston hududidagi toliblarga aloqador nishonni urdi.

F-35 — Lockheed Martin kompaniyasi tomonidan ishlab chiqilgan beshinchi avlod qiruvchi samolyoti. AQSh harbiy-havo kuchlari undan 2016-yildan buyon foydalanadi. 2020-yilgacha bunday turdagi samolyotlardan 3 mingtasini chiqarish rejalashtirilmoqda. Ular 11 ta mamlakatga yetkaziladi. F-35 ning ilk jangovar parvozi haqida shu yilning mayida Isroil ma’lum qilgan edi.