Shavkat Mirziyoyevning Fransiyaga rasmiy tashrifi yakunlandi

O‘zbekiston Prezidenti Shavkat Mirziyoyev fransiyalik hamkasbi Emmanuel Makronning taklifiga binoan 8-9-oktabr kunlari rasmiy tashrif bilan ushbu mamlakatda bo‘ldi.

Yelisey saroyida o‘tgan davlat rahbarlarining muzokaralari har tomonlama samarali bo‘ldi. Ikki mamlakat uchun manfaatli va uzoq muddatli kelishuvlarga erishildi.

Hukumatlararo va idoralararo o‘nta hujjat imzolandi.

Shavkat Mirziyoyev 9-oktabr kuni Parijdan Toshkentga jo‘nab ketdi, deb xabar qiladi Prezident matbuot xizmati.