AQShda faoliyat yuritgan mutaxassis Xalq banki boshqaruv raisiga o‘rinbosar etib tayinlandi

Farhod Salomov Aksiyadorlik tijorat Xalq banki boshqaruvi raisining o‘rinbosari etib tayinlandi. Bu haqda Adliya vazirligining Telegram’dagi “Huquqiy axborot” kanali xabar bermoqda.

Farhod Salomov 1979-yilda tug‘ilgan. U bank sohasida 12 yillik tajribaga ega.

U Jahon iqtisodiyoti va diplomatiya universiteti hamda AQShdagi Kolorado texnika universitetini tamomlagan.

Salomov AQShning U.S. bankida direktor o‘rinbosari bo‘lib faoliyat yuritgan. U 2012, 2013, 2014-yillarda bank mukofotlari bilan taqdirlangan. 2009-yilda esa faoliyatiga innovatsion tajribalarni tatbiq etgani uchun bankning oliy mukofotiga sazovor bo‘lgan.