GM Uzbekistan “shapkasiz” avtomobil xarid qilish uchun 24 ming shartnoma tayyorlab qo‘ydi

Joriy yilning 19-oktabr holatiga ko‘ra dilerlarda avtomobil xarid qilish uchun 24 058 dona shartnomalar mavjud. Shundan 9486 dona Spark, 2007 dona Nexia, 3325 dona Cobalt, 6515 Lacetti hamda 2725 dona Malibu, deya xabar beradi kompaniya matbuot xizmati.

Shartnomalarni olish uchun murojaat qilish mumkin bo‘lgan dilerlik avtosalonlari ro‘yxati bilan http://gmuzbekistan.uz/cars_for_contracting havola orqali tanishish mumkin.

Ushbu taqsimot asosida avtomobil xarid qilishni istagan xaridorlar shartnoma tuzish uchun to‘g‘ridan-to‘g‘ri dilerlarga murojaat qilishlari mumkin. Ro‘yxat kunlik tarzda yangilanadi hamda imzolangan shartnomalarga qarab o‘zgarib boradi.