Toshkentda markazlashgan axborot tizimiga ega yagona avtoturargoh tashkil etiladi

Toshkent shahri hokimligida Moskva shahar transporti ilmiy-tadqiqot va loyihalashtirish instituti direktori o‘rinbosari Pyotr Barsukov, Moskva viloyati hokimligi vakillari, “Lanit Integratsiya” MChJ xodimlari bilan uchrashuv bo‘lib o‘tdi, deb xabar beradi poytaxt hokimligi axborot xizmati.

Uchrahuvda O‘zbekiston transport sohasi vakillari ham qatnashdi. Tomonlar yo‘l-transport infratuzilmasi sohasidagi hamkorlik masalalarini muhokama qildi.

Uchrashuv ishtirokchilarining ta’kidlashicha, Toshkent shahrida transport tizimini rivojlantirish konsepsiyasi ishlab chiqiladi.

Shuningdek, transport oqimini nazorat qilish maqsadida yo‘l harakatini tashkil etish markazini yaratish ham rejalashtirilmoqda.

Toshkentda tirbandliklarning oldini olish maqsadida esa markazlashgan axborot tizimiga ega yagona avtoturargoh tashkil etiladi.