“Toshshahartransxizmat” Janubiy Koreya kompaniyasi bilan hamkorlikda poytaxt transportida elektron to‘lov tizimini yo‘lga qo‘yadi

“Toshshahartransxizmat” aksiyadorlik jamiyati Janubiy Koreyaning Korea Smart-cart Co. Ltd kompaniyasi bilan hamkorlik qilish maqsadida muzokaralar olib bormoqda. Bu haqda Toshkent shahar hokimligi Matbuot xizmati xabar berdi.

Mazkur hamkorlik natijasida poytaxt transport tizimini tubdan takomillashtirish, ayniqsa, elektron to‘lov tizimini  yo‘lga qo‘yish rejalashtirilgan. Xususan, muntazam foydalanish mumkin bo‘lgan yagona to‘lov kartalarini joriy etish, jamoat transportlarida zamonaviy va yangi xizmat turlarini yo‘lga qo‘yish, bunda xorijlik hamkorlar bilan o‘zaro tajriba almashish, zamonaviy texnologiyalarni amaliyotga tatbiq etish belgilangan.