18 yoshli Sancho—YChLda nemis klubi safida gol urgan birinchi ingliz futbolchisi

Kecha, 24-oktabr sanasida Yevropa Chempionlar Ligasi 3-turi doirasida “Borussiya Dortmund” klubi o‘z maydonida Madridning “Atletiko”sini 4:0 hisobida mag‘lubiyatga uchratdi.

Dortmundlik safida 18 yoshli angliyalik yarim himoyachi Jeydon Sancho ikkinchi bo‘limning 79-daqiqasida zaxiradan maydonga tushirildi. Sancho oradan 4 daqiqa o‘tib, madridliklar darvozasini ishg‘ol qilishga muvaffaq bo‘ldi.

Shu tariqa Sancho Chempionlar Ligasi tarixida nemis klubi safida gol urgan ilk ingliz futbolchisiga aylandi.