Xitoyda konda yer o‘pirilishi oqibatida qurbon bo‘lganlar soni 21 kishiga yetdi

Xitoy sharqidagi Shandun provinsiyasida ko‘mir konida yer o‘pirilishi oqibatida qurbon bo‘lganlar soni 21 kishiga yetdi. Bu haqda “RIA Novosti” xabar bermoqda.

Oldinroq 19 qurbon haqida ma’lum qilingan edi.

O‘pirilish 20-oktabr kuni Xetsze okrugining Yunchen uyezdida ro‘y bergandi. Konda 334 kishi bo‘lib, 312 nafari vaqtida yer ostidan chiqishga ulgurgan edi. Ammo 22 nafar konchi yer ostida qolib ketgandi.

Qidiruv-qutqaruv operatsiyasi natijasida faqat bir kishi qutqarib olindi.