Sirdaryoda namunali uy uchun olingan 400 mln so‘mni o‘zlashtirib yuborgan shaxs qo‘lga olindi

Sirdaryo viloyatining Guliston shahrida shu yil 10-noyabr kuni IIBga tushgan hujjatlarga ko‘ra, 2017-yil 25-iyun kuni Guliston tumani, “Ishonch” MFYda yashovchi, muqaddam sudlangan V.K. Guliston shahrida yashovchi S.M. ismli ayolning uyida unga “Mevazor” MFY hududida qurilayotgan namunali uylardan olib berishni va’da qiladi. Bu haqda IIV jamoatchilik va OAV bilan aloqalar boshqarmasi xabar berdi.

Aldov yo‘li bilan undan 400 million so‘m olib, bergan va’dasini bajarmay, pullarni o‘z ehtiyojlari uchun ishlatib yuboradi.

Ko‘rilgan choralar natijasida V.K. qo‘lga olingan. Holat yuzasidan jinoyat ishi qo‘zg‘atilib, tergov harakatlari olib borilmoqda.