Qozog‘iston prezidentini Nobel mukofotiga nomzod qilib ko‘rsatishdi

Qozog‘iston prezidenti Nursulton Nazarboyev va qozog‘istonlik rassom Karipbek Kuyukov tinchlik bo‘yicha Nobel mukofotiga nomzod qilib ko‘rsatildi, deb yozadi Kazakhstan Today.

“Bu yil men Karipbek Kuyukovni, Global Zero tashkilotini va prezident Nazarboyevni ularning yadro qurolini yo‘q qilish bo‘yicha favqulodda intilishlari uchun nomzod sifatida ko‘rsataman”, — deb yozdi Bazeldagi Tinchlik ofisining tadqiqot instituti direktori Alin Vare Facebook’dagi sahifasida.

Mukofot uchun nomzodlar shortlistida ko‘rsatilishicha, Nazarboyev va Kuyukovning nomzodlarini shotlandiyalik parlament a’zosi Bill Kidd ham ilgari surgan.