Tramp Shimoliy Koreyani “AQSh uchun eng asosiy xavf” deb atadi

AQSh prezidenti Donald Tramp Shimoliy Koreyani “AQSh uchun eng asosiy bevosita xavf” deb atadi. Bu haqda Oq uydagi yuqori martabali manbaga tayanib, CNN ma’lum qildi, deya xabar beradi “Gazeta.ru”. 

Tramp 27-fevral, dushanba kuni Xitoy vakili bilan uchrashgani va KXDR muammosi ustida jiddiy bosh qotirishga chaqirgani bildirilmoqda. 

“Sizlar Shimoliy Koreya masalasida ishlashingiz kerak”, — deya ta’kidlagan Tramp. 

Oq uydagi manba Xitoy vakilining kim ekanligini oshkor etmadi, biroq telekanal gap AQShga ikki kunlik tashrif bilan kelgan Xitoy Davlat kengashi a’zosi Yan Szechi haqida ketayotganligini taxmin qildi.