Yunusobodda yongan avtobus bo‘yicha surishtiruv ishlari olib borilmoqda

11-dekabr kuni ertalab Toshkent shahar Yunusobod tumani A.Navoiy ko‘chasi 14-uy oldida harakatlanib ketayotgan avtobusda yong‘in kelib chiqqan, deb xabar beradi O‘zA IIVga tayanib.

Ko‘rilgan choralar natijasida Toshkent viloyati Zangiota tumanida yashovchi I.X. boshqaruvida bo‘lgan “4-Avtobus saroyi” MChJga tegishli Mercedes-Benz LF rusumli avtobusdagi yong‘in soat 07:29 da o‘chirilgan.

Yong‘in oqibatida avtobusning motor qismi jiddiy zarar ko‘rgan. Jarohat olganlar yo‘q. Ma’lum bo‘lishicha, yong‘in avtobusning elektr simlari qisqa tutashuvidan kelib chiqqan. Hozirda keltirilgan moddiy zarar miqdori aniqlanib, surishtiruv ishlari olib borilmoqda.??