Moskva muftiysi shaharda paydo bo‘lgan “shariat patruli”ni qo‘llab-quvvatlamadi

Rossiya Musulmonlari diniy idorasi rahbari, Moskva muftiysi Albir Krganov “Stop Xaram” loyihasini qo‘llab-quvvatlamadi, deb yozadi “Interfaks”.

Krganov nashrga bergan intervyusida harakatni “unchalik tushunarli bo‘lmagan tashabbus” deb atadi. “U nizolarga olib keladi deb o‘ylayman… Agar hozir bizdagi har bitta mazhab ko‘chadagi o‘tkinchilarga xiralik qilishni, axloq-odob o‘rgatishni boshlasa, bundan bizga qanday foyda tegadi? Dunyoviy mamlakatda buni qanday qabul qilish mumkin?” — deya u o‘z pozitsiyasini izohladi.

Avvalroq Moskvada “StopXam” loyihasi ishtirokchilaridan biri “Stop xaram” (ya’ni, “Stop harom”) deb nomlangan dasturni yaratgani, uning doirasida u “umuminsoniy axloq me’yorlariga rioya etilishi” ustidan nazorat olib borayotgani xabar berilgan edi.