Qashqadaryoda mast fuqaro qarindoshining boshini bolta bilan urib yordi

Qashqadaryoda ikki kishining janjali birining boshiga bolta urilishi bilan tugadi. Bu haqda IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Voqea 13-dekabr kuni Qashqadaryo viloyatining Yakkabog‘ tumanida yuz bergan. Fuqaro I.I. mast holda “Obod” mahallasidagi ustaxonada qarindogi E.H. bilan janjallashgan va uning boshiga bolta bilan urgan.

Natijada E.H. jarohat olib, kasalxonaga yotqizilgan, I.I. esa ichki ishlar organlari tomonidan ushlangan. “Mazkur holat yuzasidan jinoyat ishi qo‘zg‘atilib, tergov xarakatlari olib borilmoqda”, — deyiladi IIV xabarida.