Iroq prezidenti boshqa davlat fuqaroligidan voz kechdi

Iroq prezidenti Barham Solih Buyuk Britaniya fuqaroligidan bosh tortdi. Bu haqda “RIA Novosti” xabar berdi.

Ta’kidlash joizki, bunday qarorga u mamlakat konstitutsiyasi talablari sababli keldi. Unga ko‘ra, yuqori davlat arboblari faqat Iroq fuqaroligiga ega bo‘lishi mumkin.

Iroq rahbari Buyuk Britaniyaga fuqarolik uchun minnatdorlik va ehtirom izhor qildi.

Barhan Solih 2018-yilning 2-oktabr kuni Iroq prezidenti etib saylangan.

Avval u Iroq bosh vaziri o‘rinbosari lavozimida faoliyat yuritgan, shuningdek Iroq Qurdistoni hukumatining rahbari bo‘lgan.

1979-yilda Solih ikki marta qurdlar milliy harakatiga aloqadorligi uchun hibsga olingin. Ozod bo‘lgach esa Buyuk Britaniyaga ketgan.