Toshkent viloyatida ayolni bo‘g‘ib o‘ldirgan shaxs ushlandi

Shu yilning 12-dekabr kuni Toshkent viloyatining Qibray tumanida fuqaro G.K. (ismli ayol)ning jasadi topilgan. O‘tkazilgan sud-tibbiy ekspertizaning xulosasiga ko‘ra, u “nafas yo‘llarini qon bilan berkilishi, aspiratsiya natijasida kelib chiqqan mexanik asfiksiya, burun suyagining yopiq siljib sinishi, bosh miya va o‘pka shishi”dan o‘lganligi aniqlangan. Mazkur holat yuzasidan jinoyat ishi qo‘zg‘atilgan edi.

IIV xabariga ko‘ra, ko‘rilgan choralar natijasida ushbu jinoyatni Toshkent shahrining Mirzo Ulug‘bek tumanida yashovchi N.M. sodir etganligi aniqlanib ushlangan. Tergov davom etmoqda.