Toshkentda “Mir bobo ota” jome masjidi qayta quriladi

Toshkent shahri Uchtepa tumani “Mir bobo ota” jome masjidining yangi binosi zamonaviylik va milliylikni inobatga olgan holda yangi loyiha asosida qaytadan qurish ishlari boshlab yuborildi. Bu haqda “Muslim.uz” xabar berdi.

Tadbirda O‘zbekiston musulmonlari idorasi raisi, muftiy Usmonxon Alimov hazratlari ishtirok etib, masjid binosining birinchi g‘ishtini yaxshi tilak va xayrli duolari ila qo‘yib berdilar.

Marosimda ulamolar, masjid qavmi, mahalla faollari va mo‘ysafid otaxonlar ishtirok etdi. Shuningdek, nuroniylar va ezgu niyatda yig‘ilgan qalbi pok insonlar ham birin-ketin poydevorga g‘isht qo‘ydi.