Andijondagi tezkor tadbirda 1120 dona “Lirika” topildi

Shu yilning 8-dekabr kuni Andijon viloyatining Bo‘z tumani IIB xodimlari tomonidan shu xududda joylashgan 44-sonli YPX maskanida tezkor tadbir o‘tkazildi. Bu haqda Bo‘z tumani IIB huzuridagi Tergov bo‘linmasi “Daryo”ga xabar bermoqda.

Tadbir davomida Qo‘qon shahridan Andijon shahriga harakatlanib kelayotgan M.J. boshqaruvidagi Lacetti rusumli avtomashinasi to‘xtatilib, uning ichki qismi ko‘zdan kechirilganda hech qanday tegishli hujjatlarsiz, 1120 dona “Lirika”, 560 dona “Gerica” hamda 1120 dona “Perge” dori vositalari borligi aniqlandi. M.J. ushbu dori mahsulotlarini Andijon shahrida yashovchi A.I. ismli ayolga 5 112 000 so‘mga sotish uchun olib ketayotganligini ma’lum qilgan.

Hozirda mazkur holat yuzasidan tergovga qadar tekshiruv ishlari olib borilmoqda.