Samarqandda Lacetti haydagan 9-sinf o‘quvchisi 3 yashar bolaning umriga zomin bo‘ldi

Samarqand shahrida 2-yanvar kuni Samarqand tumanida yashovchi 35-maktabning 9-sinf o‘quvchisi D.X. hujjatlarsiz bobosi nomidagi Lacetti avtomobilini “Zarafshon” shohko‘chasida haydab ketayotib, qarshisidan harakatlanib kelayotgan Matiz bilan to‘qnashuv sodir etgan. Bu haqda IIV jamoatchilik va OAV bilan aloqalar boshqarmasi xabar berdi.

YTH oqibatida Matiz haydovchisining 3 yoshli o‘g‘li jarohat olib, voqea joyida halok bo‘lgan. Haydovchi, uning turmush o‘rtog‘i va bir yoshli qizi jarohat olib, kasalxonaga yotqizilgan.

Mazkur holat yuzasidan jinoyat ishi qo‘zg‘atilib, tergov harakatlari olib borilmoqda.