Rossiya FVV Magnitogorskda qutqaruv operatsiyasini yakunladi

Rossiya Favqulodda vaziyatlar vazirligi Magnitogorskda gaz portlashi oqibatida qulab tushgan 10 qavatli uy podyezdi xarobalarida qutqaruv operatsiyasini yakunladi, deb yozadi Meduza.

FVV rahbari birinchi o‘rinbosari Aleksandr Chupriyan ma’lum qilishicha, vayronalar ostida boshqa odamlar yo‘q.

Halok bo‘lganlar soni 39 kishini tashkil etdi.

“Biz bugun oxirgi, 39-jasadni chiqarib oldik, binoda boshqa odamlar yo‘qligiga kafolat beramiz. FVV qutqaruv operatsiyasini yakunlaydi”, — dedi Chupriyan jasadlarning 38 nafari shaxsi aniqlanganini qo‘shib qo‘yarkan.