IIV Probatsiya xizmati boshlig‘i va Xalqaro aeroportlarda xavfsizlikni ta’minlash qo‘shinlari qo‘mondoni o‘rinbosari tayinlandi

O‘zbekiston Respublikasi Ichki ishlar vazirligi sohaviy xizmatlaridagi rahbarlik lavozimlariga tayinlovlar amalga oshirildi. Bu haqda IIV Matbuot xizmati xabar bermoqda.

Polkovnik Ismoilov Maxamadali O‘zbekiston Respublikasi IIV Jazoni ijro etish bosh boshqarmasi huzuridagi Probatsiya xizmati boshlig‘i lavozimiga tayinlandi.

O‘zbekiston Respublikasi IIV Xalqaro aeroportlarda xavfsizlikni ta’minlash qo‘shinlari qo‘mondonining kadrlar, harbiy vatanparvarlik, ma’naviy-axloqiy tarbiya va yoshlar bilan ishlash bo‘yicha o‘rinbosari lavozimiga esa polkovnik Kurambayev Gapur Bekchanovich tayinlandi.