“Real” so‘nggi 25 yil ichidagi eng yomon natijasini qayd etmoqda
6-yanvar, yakshanba kuni La Liga 18-turidan o‘rin olgan bahsda Madridning “Real” klubi “Real Sosyedad”ga mag‘lub bo‘ldi (0:2).
Hozirda ortda qolgan 18 ta turdan so‘ng “Real”da 30 ochko mavjud. Jurnalist Pedro Martinning ta’kidlashicha, bu XXI asrdagi eng yomon ko‘rsatkichning takrorlanishidir.
“Qirollik klubi” 2005/06-yilgi mavsumda ham 18 ta turda 30 ochko to‘plagandi. O‘shanda jamoada to‘plar nisbati +10 bo‘lgan, joriy mavsum esa bu ko‘rsatkich atigi +3 ni tashkil etmoqda.
Madridliklar joriy mavsumda 18 ta turda atigi 26 ta gol urdi. Bu jamoaning Primerodagi so‘nggi 25 yil ichidagi eng yomon natijasidir. Jamoa mazkur natijasni 1993/94-yilgi mavsumda ham qayd etgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Manba: Daryo.uz
Добавить комментарий!
- отсутствуют