Gretsiya konsulligida kukun solingan shubhali paket topildi

Melburnda joylashgan Gretsiyaning bosh konsulligiga shubhali kukun solingan paket yuborilgan. Bu haqda Sputnik xabar berdi.

“Kukun solingan konvertlar Avstraliyadagi ko‘pgina elchixona va konsulliklarga yuboriladi. Shunday konvertlardan biri Melburndagi Grek konsulligiga ham keldi. Konsullik xodimlari darhol politsiyaga bu haqda xabar qilgan. Jarohat olganlar yo‘q,” — deydi Gretsiya Tashqi ishlar vazirligining matubot kotibi.

Konvertning ichidagi kukun nima ekani hali aniqlanmagan. Ekspertlar uning tarkibini o‘rganishyapti.

Melburnda va Kanberrada joylashgan bir necha binolarga shunday shubhali paketlar yuborilgan. Hodisa yuzasidan yettita konsullik evakuatsiya qilingan.