Ingushetiya muftiysi diniy markazni hukumatga qarshi borishga chaqirganlikda ayblanmoqda

Shimoliy Kavkaz Musulmonlarini muvofiqlashtirish markazi Ingushetiya muftiysi Issu Xamxoyevni muftiyatdan chetlashtirdi, deb xabar bermoqda “Exo Moskvi”.

Xabarda ma’lum qilinishicha, Muvofiqlashtirish markazi Checheniston va Ingushetiya o‘rtasidagi chegaralarni belgilash vaqtidagi mojarolarda muftiyning harakatlaridan norozi. U diniy markazni respublika rahbariyatiga qarshi borishga chaqirganlikda ayblangan. Markaz a’zolarining aytishicha, Xamxoyev kuchli siyosiy faollik ko‘rsatib, oqsoqollar va va imomlarni respublika rahbariyatiga qarshi gorozilik namoyishlari o‘tkazishga chaqirgan.

Shimoliy Kavkaz musulmonlarini muvofiqlashtirish markazi Xamxoyevni majlisga chaqirgan, lekin u kelmagan. Ingushetiya muftiyati matbuot xizmati esa ularga og‘azki yoki yozma shakldagi hech qanday taklifnoma kelmaganini aytgan.