Yaponiyada qutqaruvchilar uchayotgan vertolyot halokatga uchradi

Yaponiyaning tog‘ qutqarish xizmati vertolyoti Nagano prefekturasidagi tog‘larda halokatga uchradi. Bu haqda “Vedomosti” xabar bermoqda.

Hozirga qadar berilgan ma’lumotlarga ko‘ra, vertolyot bortida bo‘lgan 9 kishidan uch nafari halok bo‘lgan.

Qayd etilishicha, vertolyot tog‘ sharoitida qutqaruv operatsiyalarini puxta o‘rganishga oid uchish mashg‘ulotlarini bajarayotgan bo‘lgan.

Aviahalokat sabablari hozircha ma’lum qilinmadi. Ayni damda qurbonlar bilan bog‘liq tafsilotlar to‘planmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!