Surxondaryodagi bojxona postida inspeksion-ko‘rik majmuasi foydalanishga topshirildi

“Sariosiyo” temir yo‘l chegara bojxona postida zamonaviy inspeksion-ko‘rik majmuasi foydalanishga topshirildi. Bu haqda Bojxona qo‘mitasi matbuot xizmati ma’lum qildi.

Xitoyning Nuctech kompaniyasi hamkorligidagi ushbu loyihaning umumiy qiymati 36,8 milliard so‘mga teng. Ushbu majmua XXR granti doirasida taqdim etilishi rejalashtirilgan 5 ta yirik hajmdagi skaner qurilmalaridan ikkinchisi hisoblanadi.

Ishga tushirilgan ushbu zamonaviy texnika vositalari bojxona nazorati samaradorligini oshirish, bojxona ko‘rigini yengillashtirish va nazorat tadbirlarini amalga oshirish uchun sarflanadigan vaqtni qisqartirish imkonini beradi.