Tramp “Oltin malina” antimukofotiga nomzodlar qatoriga kirdi

Jon Travolta, Bryus Uillis, Uill Ferrell, Jonni Deppning ovozi va AQSh prezidenti Donald Tramp “Oltin malina” antimukofotiga nomzodlar qatoriga kirdi. Bu haqda “RIA Novosti” xabar berdi.

AQSh prezidenti “Millat o‘limi” nomli hujjatli film uchun “Yilning eng yomon aktyori” yo‘nalishida taqdim etilgan, uning raqobatchilari qatorida Jonni Depp “Sherlok Gnoms” filmidagi dublyaji uchun joy olgan.

“Oltin malina” tashkilotchilari an’anaviy tarzda nomzodlarni hazil videorolikda taqdim etgan. Bu safar uning mavzusi o‘tgan yilning “falokatlari” bo‘lgan, ularning qatoriga esa Xelsinkida bo‘lib o‘tgan Rossiya va AQSh yetakchilarining sammiti kirgan.