Shavkat Mirziyoyev Lebapdagi ko‘priklar ochilishida qatnashadi

O‘zbekiston Prezidenti Shavkat Mirziyoyev 7-mart kuni Turkmaniston prezidenti Gurbanguli Berdimuhamedov bilan birga mamlakatning Lebap viloyatiga safar qiladi.

“Gazeta.uz” xabariga ko‘ra, ikki mamlakat yetakchilari Lebap viloyatida “Turkmanabat—Farap” temiryo‘l va avtomobil ko‘priklarining tantanali ochilish marosimlarida qatnashadi.

Avvalroq 6-mart kuni Ashxoboddagi muzokaralar yakuni bo‘yicha O‘zbekiston va Turkmaniston o‘rtasida Stragegik sherikchilik to‘g‘risidagi shartnoma imzolangani haqida xabar berilgan edi.

Bundan tashqari, alohida kelishuvga ko‘ra, O‘zbekistonning Xorazm va Buxoro viloyatlari mos ravishda Turkmanistonning Dashoguz va Lebap viloyatlari bilan savdo-iqtisodiy va madaniy-gumanitar hamkorlikni yo‘lga qo‘yadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!