Xitoyda plastik operatsiyadan keyin xunuk bo‘lib qolgan bloger qiz o‘zini o‘ldirdi

Xitoylik bloger qiz yuzining omadsiz plastik operatsiyasidan keyin o‘zini o‘ldirdi. Bu haqda “RIA Novosti” xabar berdi.

O‘limidan bir kun avval 23 yoshli qiz yonayotgan binodan evakuatsiya qilingan. Qiz qutqarib olinganda, u hech kim uning yuzini ko‘rishini xohlamasligini aytib qichqirgan va yuzini yashirgan.

Videobloger o‘z kanaliga ko‘proq obunachilarni jalb qilish uchun tashqi ko‘rinishini o‘zgartirgan. Biroq operatsiya muvaffaqiyatsiz o‘tgan, shundan so‘ng qiz uydan chiqmay qo‘ygan. Bundan tashqari, qizning yigiti u bilan munosabatlarini to‘xtatgan.

Shundan so‘ng qiz bir necha marta o‘zini o‘ldirishga uringan.