18 yoshli Vinisius Junior “Real” yetakchisiga aylanmoqda

24-yanvar, payshanba kuni futbol bo‘yicha Ispaniya Kubogining chorak final bosqichi doirasida “Real” xavbeki Vinisius “Jirona”ga qarshi o‘yinda bitta golga assistentlik qildi (4:2).

Bu 18 yoshli braziliyalik futbolchining musobaqadagi 5, mavsumdagi 8-golli uzatmasi bo‘ldi. Bu haqda MisterChip xabar berdi.

Bundan tashqari joriy mavsumda Luis Suares (“Barselona”), Antuan Grizmann (“Atletiko”) va Pablo Sarabiya (“Sevilya”) hisobida ham 8 tadan golli uzatma mavjud.

La Liga futbolchilari orasida esa Lionel Messi (“Barselona”) bu ko‘rsatkich bo‘yicha yetakchilik qilmoqda. Uning hisobida 13 ta golga assistentlik mavjud. Ikkinchi o‘rinni esa uning jamoadoshi Jordi Alba 10 ta golli uzatma bilan egallab turibdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!