Flydubai aviakompaniyasining Toshkentdan Dubayga chiptalari narxi ma’lum bo‘ldi

Dubayning Flydubai aviakompaniyasi 11-martdan Toshkentga to‘g‘ridan-to‘g‘ri reyslarni yo‘lga qo‘ydi, deb yozadi UzNews.

Dubay va Toshkent o‘rtasidagi parvozlar eng yangi Boeing 737 MAX 8 samolyotlarida haftasiga besh marta, 2019-yilning 31-mayidan har kuni amalga oshiriladi.

Reyslar jadvali:

FZ1941 Dubay—Toshkent: uchib ketish vaqti — 21:20, uchib kelish vaqti — 1:45;

FZ1942 Toshkent—Dubay: uchib ketish vaqti — 3:15, uchib kelish vaqti — 6:05.

Biznes-klass tarifidagi borish-kelish qiymati 7 500 BAA dirhamidan (1 785 AQSh dollari) boshlanadi (40 kilogramm bagaj va barcha yig‘imlar bilan birga). Ekonom-klass tarifi 1 545 BAA dirhamidan (420 AQSh dollari) boshlanadi (7 kilogramm qo‘l yuki va barcha yig‘imlar bilan birga).