Andijonda Botir Zokirov xotirasiga bag‘ishlangan kecha bo‘lib o‘tdi

Andijonda O‘zbekiston xalq artisti Botir Zokirov xotirasiga bag‘ishlangan tadbir o‘tkazildi, deya xabar beradi Madaniyat vazirligi matbuot xizmati.

Konsert dasturi tarzida tashkil etilgan xotira tadbiri Andijon san’at kolleji o‘quvchilari tomonidan shahar 3-son bolalar musiqa va san’at maktabida namoyish etilgan.

Botir Zokirov 1936-yilning 26-aprel kuni tavallud topgan, uning ijrosidagi o‘zbek kompozitorlarining romans va qo‘shiqlari butun dunyoga mashhur. Uning “Maftun bo‘ldim”, “Yor, kel”, “Ra’no”, “Gazli ko‘hliklari”, “Seni eslayman”, “Majnun monologi”, “Kechalar yulduz sanab” singari qushiqlar katta mahorat bilan ijro etilgan. Botir Zokirov turli tillarda xonish qila oladigan san’atkor edi.