Olimlar: 2100-yilga kelib Venetsiya suv ostida qolishi mumkin

Olimlarning fikricha, 100 yildan so‘ng Venetsiya suv ostida qolishi mumkin. Ularning mazkur tadqiqoti Quaternary International jurnalida chop etildi, deb yozadi “Gazeta.ru”.

Ekspertlar 2100-yilga qadar O‘rtayer dengizi sathi 140 santimetrga ko‘tarilishini ta’kidlamoqda. Shu bilan bir paytda oxirgi 1000 yil ichida dengiz sathi bor-yo‘g‘i 30 santimetrga ko‘tarilgan. Dengiz sathi qanday o‘zgarib borganligini aniqlash uchun tadqiqotchilar eramizdan avvalgi 4000—2500-yillarda mahalliy aholi tomonidan donga ishlov berish uchun foydalanilgan tegirmontoshlarini o‘rgandi. Ulardan ba’zilari hamon qirg‘oqda qolgan.

Butun Italiya bo‘ylab 33 ta hududga suv ostida qolish tahdid solayotganligi ma’lum qilinmoqda. Suv sathi global isish va issiqxona effekti tufayli ko‘tarilmoqda.