AQSh Eron bilan munosabatlar taranglashgani tufayli Yaman qirg‘oqlari yaqinida harbiy kemasini joylashtirdi

AQSh harbiy-dengiz kuchlarining USS Cole esminetsi Eron bilan munosabatlar taranglashgani tufayli Yaman qirg‘oqlari yaqinida joylashtirildi. Bu haqda o‘zini oshkor etishni istamagan amerikalik ikki mansabdor ma’lum qildi, deya xabar beradi “Gazeta.ru”.

USS Cole Yaman janubi-g‘arbidagi Bob al-Mandab bo‘g‘oziga yetib keldi va bu yerda patrullash, jumladan, kemalarga hamrohlik qilishni amalga oshiradi.

Mansabdorlarga ko‘ra, AQSh dengiz yo‘llarini isyonchi xusiylardan himoya qilish uchun esminetsni jo‘natgan.

Eslatib o‘tamiz, oldinroq AQSh prezidenti Donald Tramp Eronning raketa sinovlariga harbiy javob berilishini istisno etmagandi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.