Gulnora Karimovaning qizi Karimovlar oilasida tug‘ilish mas’uliyati va xolasi bilan munosabatlarini ma’lum qildi

O‘zbekistonning Birinchi Prezidenti Islom Karimovning nabirasi, Gulnora Karimovaning qizi Imon Karimova Instagram’dagi sahifasida Karimovlar oilasining farzandi bo‘lish ma’suliyati haqida yozib qoldirgan.

Imon Karimova folloverlarining biri Karimovlar oilasida tug‘ilishning minus va plyuslari qandayligi so‘ralgan. Unga javoban qiz, buni tanlash imkoni yo‘qligini, barisi tashqaridan ko‘ringanchalik emasligini ma‘lum qilgan.

“Bu har bir oiladagidek gap, hayotda jaranglash uchun harakat qilish kerak, kimdir bo‘lib yetishmoq uchun, ayniqsa atrofdagilar nigohida”, – deb yozgan.

Bundan tashqari Imon xolasi Lola Tillayeva-Karimova bilan munosabatlari haqidagi savolga javoban “Hamma odam o‘zini vijdoniga qarab yashaydi. Hamma narsani vaqt ko‘rsatadi”, – deb yozgan.