Qashqadaryoda uyining yerto‘lasida 5,5 kg marixuana saqlayotgan shaxs qo‘lga olindi

Qashqadaryo viloyatining Chiroqchi tumanida huquqni muhofaza qiliuvchi organ vakillari hamkorligida o‘tkazilgan tezkor tadbirlar natijasida Chuvulloq qishlog‘ida yashovchi X.B. boshqaruvidagi Lacetti mashinasi salonidan 95 gramm marixuana topildi. Bu haqda IIV jamoatchilik va OAV bilan aloqalar boshqarmasi xabar berdi.

Shuningdek, uning uyi yerto‘lasida 5 kilogramm 439 gramm marixuana giyohvandlik moddasi borligi aniqlandi.

Holat yuzasidan jinoyat ishi qo‘zg‘atilib, tergov harakatlari olib borilmoqda.