Eron “Dizful” yangi ballistik raketasini namoyish etdi

Eron “Dizful” yangi ballistik raketasini namoyish etdi. Uning parvoz davomiyligi 1 ming kilometrni tashkil etadi. Bu haqda Fars agentligi xabar berdi, deb yozadi “RIA Novosti”.

Marosim Islom inqilobi qo‘riqchilari korpusi aerokosmik kuchlari uchun ballistik raketalar ishlab chiqarish bo‘yicha yerosti zavodida bo‘lib o‘tdi. Unda “qo‘riqchilar” qo‘mondoni Muhammad Ali Jafariy ishtirok etdi.

Fars agentligining Twitter’dagi sahifasida “Dizful” “yer-yer” tipidagi aqlli ballistik raketa ekanligi ta’kidlanadi.