Toshkentda 3 yoshli bola 3-qavat derazasidan pastga tushib ketdi

12-fevral kuni soat 00:20 da 102 raqamiga murojaat bo‘ldi, deb xabar berdi Toshkent shahar IIBB matbuot xizmati.

Murojaatda aytilishicha, Olmazor tumanida yashovchi buvisining uyida bo‘lgan uch yoshli Farruh ismli bola uchinchi qavatda joylashgan xonadon balkoniga deraza tokchasi balandligida qurilgan so‘ridan pastga qulab ketgan. Bola hodisa oqibatida tan jarohatlari olib, kasalxonaga yotqizilgan.

Toshkent shahar IIBB matbuot xizmati, ota-onalarga murojaat qilib, bolalarni qarovsiz qoldirmaslikni so‘ragan.