Farg‘onadan topilgan dinozavr qoldiqlari, Toshkentga kelgan Burak O‘zchivit, O‘zbekistonning ilk yevrobondlari va kunning boshqa muhim xabarlari

14-fevralning e’tiborga molik yangiliklari — “Daryo” dayjestida.

Farg‘ona viloyatining Rishton tumanidan dinozavr qoldiqlari topilgani taxmin qilinmoqda.

Rishton tumani Yangiyo‘l qishlog‘i Yangiturmush ko‘chasi 2-uyda istiqomat qiluvchi To‘xtasin aka o‘z uyini qayta ta’mirlash va rekonstruksiya qilish jarayonida uyning eski pol ostidan noan’anaviy ko‘rinishdagi hayvon qoldiqlariga duch keldi.

***

“Sevgi iztirobi” serialidagi Kamol — Burak O‘zchivit Toshkentga keldi.

U “Zo‘r Tv” telekanalida bir nechta ko‘rsatuvlarda ishtirok etdi, o‘zbekistonlik san’atkorlar bilan muloqot qildi.

***

O‘zbekiston tarixda birinchi 1 mlrd dollarlik yevrobondlarni joylashtirdi.

O‘zbekiston mustaqil tarixida birinchi marta 5 yillik 500 million dollarlik yevrobondlarni 4,75 foizdan, 10 yillik 500 million dollarlik yevrobondlarni esa 5,375 foizdan joylashtirdi.

***

Qo‘qonlik yigitning yirtilgan dollarlari butuniga almashtirib berildi.

13-fevral kuni ijtimoiy tarmoqlarda qo‘qonlik yigit konvert orqali o‘ziga kelgan AQSh dollarini ehtiyotsizligi oqibatida yirtib qo‘ygani aks etgan rasm muhokamaga aylangan edi.

***

Bosh prokuratura Gulnora Karimovaga nisbatan hech qanday bosim o‘tkazilmaganini ma’lum qildi.

14-fevral kuni Gulnora Karimovaning o‘g‘li Islom Karimov “onasi bosim ostida qolib, gipertonik inqirozgacha olib borilgani, uning yoniga shifokorlar kirgizilmagani haqida Instagram-sahifasida xabar yozib qoldirgan edi.