O‘zbekistonda dollar va yevroning rasmiy kursi qatorasiga ikkinchi hafta pasaymoqda

Markaziy bank xorijiy valyutalarning so‘mga nisbatan 2019-yil 19-fevraldan amalda bo‘ladigan kurslarini belgiladi.

Unga ko‘ra, AQSh dollari kursi salkam 3 so‘mga pasayib, 8392 so‘mni tashkil etgan.

Yevro 32 so‘mga pasaygan va 9477 so‘mga teng bo‘lgan.

Rossiya rubli kursi 1,5 so‘m atrofida pasayib, 126 so‘mdan iborat bo‘ldi.

Qayd etish joizki, O‘zbekistonda asosiy xorijiy valyutalarning so‘mga nisbatan kursi pasayishi qatorasiga ikkinchi hafta kuzatilmoqda.