2019-yilda Toshkent shahridagi 70 dan ortiq ko‘chalarda ta’mirlash ishlari bajariladi

Toshkent shahar hokimining “2019-yilda Toshkent shahridagi markaziy va mahallalar hududidagi ichki ko‘chalarni joriy ta’mirlash manzilli ro‘yxatini tasdiqlash to‘g‘risida”gi qarori e’lon qilindi. Bu haqda Toshkent shahar hokimligi matbuot xizmati xabar berdi.

Xabarda aytilishicha, 2019-yil dekabrgacha Toshkent shahridagi 70 dan ortiq ko‘chalarda ta’mirlash ishlari bajariladi. Markaziy ko‘chalar va ichki yo‘llarning jami 35077 kvadrat metr maydoni ta’mirlanadi.

Eslatib o‘tamiz, o‘tgan yili poytaxtdagi ichki yo‘llarni ta’mirlashga 50 mlrd so‘m mablag‘ sarflangan bo‘lsa, 2019-yilda bu ko‘rsatkichni 3 barobarga oshirish rejalashtirilgan.