Mirzo Ulug‘bek tumani hokimligi ta’mirlanadigan ko‘chalar ro‘yxatini e’lon qildi

Toshkent shahar Mirzo Ulug‘bek tumani hokimligi ta’mirlash ishlari olib boriladigan ko‘chalarni e’lon qildi.

“O‘zbekiston Respublikasi Prezidenti Sh.M.Mirziyoyevning 2017—2018-yillarda mintaqaviy avtomobil yo‘llarini rivojlantirish to‘g‘risidagi qarori doirasida tumanimizda Buyuk Ipak yo‘li va Mirzo Ulug’bek ko‘chalari oralig‘idagi Sh.Burhonov kuchasining kapital ta’mirlash ishlari yakunlanmoqda”, — deyiladi hokimlikning Facebook sahifasiga joylangan xabarda.

Keyingi navbatda:

– Avayhon ko‘chasi;
– Musavvirlar ko‘chasi;
– Sayram 5-tor ko‘chasi;
– Gulsanam ko‘chasi ta’mirlanadi.

Bundan tashqari, quyidagi ko‘chalarda qisman ta’mirlash ishlarini amalga oshirish rejalashtirilgan:

– Gyote ko‘chasi;
– Qalandar ko‘chasi;
– Asaka ko‘chasi.

Shuningdek, rivojlantirish dasturiga 3 ta mahallalarning mavzelar oralig’idagi ko‘chalari va 5 ta mahallalarning ko‘chalarini qisman ta’mirlash ishlarini kiritish masalasi ko‘rib chiqilmoqda.