“Sevilya” “Latsio”ni mag‘lub etib, Yevropa Ligasi 1/8 finaliga chiqdi (video)

20-fevral, chorshanba kuni futbol bo‘yicha Yevropa Ligasining 1/16 finali doirasida bitta javob uchrashuvi o‘z nihoyasiga yetdi.

Pablo Machin boshqaruvidagi “Sevilya” klubi o‘z maydonida Simone Inzagi boshliq Rimning “Latsio” jamoasi bilan bahsga kirishdi.

Bellashuvda Vissam Ben-Yedder (20), Pablo Sarabiya (78) ning kiritgan gollari Ispaniya klubining g‘alabasini ta’minladi.

Shu tariqa “Sevilya” klubi ikki o‘yin natijasiga ko‘ra “Latsio” jamoasini 3:0 hisobida mag‘lub etdi va musobaqaning nimchorak final yo‘llanmasini birinchilardan bo‘lib qo‘lga kiritdi.

Yevropa Ligasi

1/16 final bahsi

Gollar: 1:0 — 20 Ben-Yedder, 2:0 — 78 Sarabiya

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!